Les mots surlignés font l'objet d'une note
1Monseigneur, j’ay differé jusques à present vous
2faire entandre comment je avoye procedé à
3la commission du roy obtenue pour ceulx de la
4pretandue religion pour ravoyr leurs biens
5du Conté. Je me remettoye à le vous
6dire de jour à aultre que pansoye me aller
7vous treuver comme j’espère faire dans quelques
8jours, mays ce pandant pour vous relever
9de la poyne en laquelle m’escripvez qu’estez
10d’en scavoyr ce qu’en est. Ceux de ladite religion
11ayant veu la responce de monseigneur le cardinal
12que je vous envoye, ne s’en contantans,
13ont procédé par diffaultz contre le procureur de
14Sa Saincteté et quant vint au segond diffault
15pour le proffit d’icelluy, il me requiert
16de passer oultre, suyvant ce qu’il m’estoyt
17mandé, attandu la prinse pandante avec plusieurs
18protestations comme vous pouvez pancer,
19sur quoy, je donne le deffault par eulx
20requis, en commettant le premier advocat de
21notre siège ou aultre sur ce requis pour
22vé[ri]ffication faicte des quallités des demandeurs,
23estre procedé à la saysie des biens par
24[v°] eulx indiqués, desquelz seroient mis en sequestre
25jusques à ce que il eust pleu à sa magesté
26faire plus ample déclaration sur les remonstrances
27de mondit seigneur le cardinal et responses desdictz
28de la religion, renvoyant à ses fins lesdites
29parties, à quoy ilz acquiesoient. Despuis, je
30escripz le tout à mondit seigneur le cardinal, lequel
31avoyt jà envoyé à la cour come verrés
32par la coppie de l’acte que je vous envoye
33et de lettre qu’il m’a escript, que me font
34croyre qu’il y aura tost fin. Sur ce, Monseigneur,
35ayant présenté mes très humbles recommandations
36à vostre bonne grâce, je prieray le Créateur,
37Monseigneur, vous donner en sancté heureuse
38Et longue vye. De Romans, ce XXXe juing
391572.
40Vostre très humble et très obéissant
41serviteur
42N. Mulet